Свет
7. July 2017 - 21:45

Туск го критикува лицемерието на некои земји од Г-20 поради односот кон мигрантската криза

Претседателот на Европскиот совет, Доналд Туск упати критики заради лицемерие и цинизам од страна на држави од Г-20 во борбата против трговијата со мигранти, без притоа да ги именува.

– Неопходни се повеќе напори на меѓународно ниво за да го попречиме економскиот модел на трговија со мигранти, изјави Туск на прес-конференција за време на самитот на Г-20 во Хамбург.

– Поради тоа, ќе побарам сите лидери од Г-20 да работиме за воведување санкции од ОН врз оние кои вршат криминални дела преку трговијата со мигранти, истакна Туск.

Тој нагласи дека партнерите треба да бидат поактивни и „помалку цинични, како и порешителни во соработката во заедничката борба против трговијата и секаков вид на шверц во Либија“.

Трговијата со мигранти е организирана криминална дејност во која минатата година биле заработени околу 1,6 милијарди долари само во Либија. Тој вид криминал дава можност да се контролира дел од државата. Освен тоа, тие соработуваат и со терористи, истакна Туск.