Турски туроператори ќе ги разгледуваат можностите за соработка со Македонија
Делегација од Асоцијацијата на туристички агенции и туроператори (ТУРСАБ) од Истанбул денеска е во посета на Македонија каде ќе оствари средби со македонски компании од Сојузот на стопански комори и ќе се разгледаат можностите за соработка.
Покрај средбите, ќе се одржи и работилница за зголемување на потенцијалите за соработка во туризмот меѓу Македонија и Турција.
- ТУРСАБ заедно со „Туркиш Ерлајнс“ и компаниите членови на Туристичко-угостителската комора (ТУК) ќе ги детектираат потенцијалите за проширување на туристичкиот пазар, зголемување на соработката во поглед на досега најповолна аткрактивна понуда за македонските туристи, велат од ССК, кои се домаќини на настанот.
Планирано е да се одржи и прес-конференција на која ќе се обратат Аркан Керим, претседател на Туристичко – угостителска комора при ССК, Ела Атакан, директор за корпоративни врски ТУРСАБ и Пинар Ајваз Арикан, генерален директор на Туркиш Ерлајнс во Македонија.
Туристичко-угостителската комора при ССК има потпишано меморандум за соработка со ТУРСАБ за зајакнување на соработката во туризамот, зголемување на соработката меѓу реномирани туристички агенции, хотели, ресторани од двете земји, преку подигнување на квалитетот на услуги коишто се нудат.
Ново на Сител
-
Велигденска честитка на на Н.В.П. д-р Киро Стојанов, Скопски бискуп и Струмичко – скопски епарх
-
Изненадување во Мајами: Алкараз елиминиран од Димитров
-
Ѓоковиќ се уште не избрал нов тренер
-
Експлозија во најголемата романска нафтена рафинерија Петромидија, нема повредени
-
Лавров: Украинскиот план вклучува повлекување на нашата војска од освоените територии
-
Најмалку четири лица загинаа во невремето во Шпанија
-
Земјотрес во Грција со јачина од 5,7 степени
-
Петровска: Судот донесе одлука дека Ковачки неправедно ме клеветел