„Турски поток“ стаса до Турција
„Гаспром“ ја заврши изградбата на морскиот дел од „Турски поток“ на територијата на Русија, откако првиот крак од гасоводот влезе во турската економска зона, соопшти компанијата „Јужен поток“, која се занимава со изградба на гасоводот.
„Пајониринг спирит“, најголемиот брод во светот за поставување цевки, го одбележа овој настан поставувајќи во морето цевки со руски и турски знамиња, кои го симболизираат преминувањето на границата на ексклузивната економска зона меѓу двете држави, се наведува во соопштението од фирмата.
„Гаспром“ веќе изгради 448 километри од „Турски поток“, а како што наведува „Јужен поток“, изградбата се одвива според планот и за помалку од половина година изграден е речиси четвртина од морскиот дел.
Изградбата на гасоводот „Турски поток“, „Гаспром“ ја почна во мај. Изградбата на првиот крак, со капацитет од 15,75 милијарди кубни метри, за потребите на Турција, треба да биде завршена до март следната година.
Вториот крак, со ист капацитет, со кој гасот ќе оди преку јужна и југоисточна Европа треба да биде завршен во 2019 година.
Ново на Сител
-
Руски воени бродови впловија во Црвено Море
-
Бојмацалиев: ОВР Дебар поднесе рекордни 55 кривични пријави за дивоградби во 2023
-
МНР: Состанок на заедничкиот експертски комитет за историски, археолошки и образовни прашања согласно Преспанскиот договор
-
ЈСП Скопје: Можни се технички проблеми при валидирање со телефон или апликацијата „Скопска“
-
Ангелов: Би работел за СДСМ но за плата од 5000 евра
-
МЗШВ: Лозарите добиваат гарантирана откупна цена на винското грозје
-
Македонија и 11 членки на НАТО ја зајакнуваат соработката за обука на воени пилоти
-
ССМ на 2 април на протест поради одлуката на Врховниот суд, ќе протестира и на 1 мај