Турски авиони повторно го нарушиле грчкиот воздушен простор
Два турски борбени авиони вчера четири пати го нарушиле грчкиот воздушен простор во североисточниот и југоисточниот дел на Егејското Море, соопштија грчките власти.
Според грчкиот Генералштаб, како што јави дописникот на МИА од Атина, турските авиони не летале во формација и не биле вооружени. Сите авиони биле идентификувани и пресретнати во согласност со меѓународното право.
Грчките медиуми коментираат дека инцидентот се случува откако беа објавени информации дека минатиот месец подморници на турската морнарица постојано влегувале во грчки територијални води во Егејското Море и по изјавите на турскиот претседател Реџеп Тајип Ердоган и други владини претставници со кои го доведоа во прашање Договорот од Лозана, кој ги постави границите на модерна Турција, по падот на Отоманската империја.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка