Бизнис
17. July 2016 - 15:46

Турската Централна банка дозволи „неограничена ликвидност“ на банките

Централната банка на Турција денеска објави дека ако има потреба ќе дозволи „неограничена ликвидност“ на банките со цел да се зачува финансиската стабилност на земјата по обидот за воен удар.

Таквата одлука е донесена на вонредна седница на Централната банка на која се разгледуваа неопходните мерки.

По неуспешниот обид за соборување на претседателот Реџеп Таип Ердоган се намали вредноста на турската лира односно од 2,87 лири за долар го премина прагот од три лири за долар. Во еден момент еден долар се менувашѓе и за 3.02 лири.