Турската армија демантира дека во воздушните напади во северен Ирак загинале цивили
Генералштабот на турската армија денеска ги демантира информациите во некои медиуми дека во вчерашните воздушни напади врз базите на Курдската работничка партија (ПКК) во северен Ирак било бомбардирано и село и притоа биле убиени и ранети цивили, пренесоа американските медиуми.
Во соопштението се посочува дека целта, погодена при воздушните напади, не била селото, туку засолниште на членови на терористичката организација
Во армиското соопштение се вели дека целите на ПКК во северен Ирак и на турска територија, кои се објект на воздушните напади на турската армија, се определуваат врз основа на визуални податоци по многу исцрпно и детално истражување.
Во текстот се истакнува дека при истрагата на тврдењата во медиумите е утврдено дека во реонот на бомбардирањата и во неговата близина немало населено место и целта, погодена при воздушните напади, било засолниште на членови на терористичката организација.
Турското Министерство за надворешни рабти вчера соопшти дека презело истрага за тврдењата за цивилни жртви од воздушните напади на турската армија врз цели на ПКК во северен Ирак и вети дека резултатите од истрагата ќе бидат објавени што е можно побрзо.
Властите на автономниот регион на Ирачки Курдистан вчера информираа дека шест локални жители загинале во утринските бомбардирања, а според прокурдските медиуми во Турција во нападите имало девет цивлни жртви.
Ново на Сител
-
Силјановска: Горда сум на граѓаните, не само на оние кои гласаа за мене туку и на останатите
-
Дел од извештаите на светските медиуми за претседателските избори во државава
-
ДИК: Oд обработени 80,03% oд гласовите Силјановска Давкова 284.775, Пендаровски 139.167
-
Јакимовски: Резултатите се далеку од моите очекувања
-
ДИК: Oд обработени 77,32% oд гласовите Силјановска Давкова 272.729, Пендаровски 133.184
-
Османи: Европскиот фронт ја победи коалицијата Вреди со над 40.000 гласа
-
Се слави пред седиштето на ВМРО-ДПМНЕ
-
ДИК: Oд обработени 71,19% oд гласовите - Силјановска Давкова 247.366, Пендаровски 121.228