Туристичките работници и угостителите од понеделник протестите ги селат пред Владата
Туристичките работници и угостителите не запираат со протестите. Од понеделник се селат пред Влада. Денеска од пред Министерството за финансии од двата сектора повторно побараа државата итно да ги објави условите и начинот за аплицирање за шестиот пакет, за да добијат јасна слика колку ќе им бидат од помош. Од она што досега го добиле како информација за нив е неприфатливо.
Во делот за угостителите, министерот за економија Бектеши појасни дека со пакет ќе се земе предвид просекот од приходите од 2019 и 2020 година и деновите колку што биле затворени објектите и врз основа на тоа , 30 отсто државата ќе го преземе како трошок. Најави дека од следната ќе се објават и јавните повици за аплицирање.
Од вчера на протестот на туристичко угостителскиот сектор се приклучија и сметководителите и танцовите училишта кои бараат да бидат финансиски повеќе помогнати.
Со шестиот пакет мерки се очекува први да бидат поддржани дејностите кои се целосно затворени и работат со ограничувања.
-
Ирена Чачкова
Сите содржини од овој новинар