Туристичките потенцијали на Струмица пред амбасадорите на Србија, Кина и Јапонија
Амбасадорите на Србија Душанка Дивјак Томиќ, на Јапонија Кеико Ханеда и заменик амбасадорот на Кина Мао Кингвен денеска се запознаа со убавините на Струмица и регионот на средбата со вршителот на должност градоначалник на општина Струмица Костадин Костадинов.
На состанокот организиран како дел од соработката со здружението „Добредојде Македонија“ било презентирано културно-уметничкото богатство на регионот со цел запознавање со убавините на Македонија.
- Разговаравме за манастирските комплекси во Водоча и во Вељуса што претставува еден од најстарите манастири кои датираат од 11 век. Ги спомнавме и римските терми во Банско, а не ја пропуштив можноста да ги спомнам и интернационалните фестивали, на Камерен театар „Ристо Шишков“, на краток филм „Астерфест“, и секако Струмичкиот карневал кој е во топ-20те улични фестивали, рече Костадинов.
Посочи, дека очекува Струмица да стане приоритетна во туристичките тури на агенциите за гостите од Кина од Србија и од Јапонија.
Почесниот претседател на Зружението „Добредојде Македонија“, амбасадорот на Република Србија во Македонија Душанка Дивјак Томиќ, посочи дека го промовираат пријателството.
- Наша задача и желба е да го промовираме пријателството меѓу народите, меѓу државите, межу локалните заедници. Денес имаме голема прилика да ги запознаеме туристичките потенцијали на Струмица. Сакаме да се приближиме се повеќе и во иднина тоа да го искористиме за развој на пријателски врски, рече Дивјак Томиќ.
Делегацијата на странските амбасади ги посети и локалитетите кои важат за белег на Струмица и околината и можност за привлекување голем број туристи.
Ново на Сител
-
Погребна фирма во САД проневерила државна помош - не ги погребувала и кремирала телата
-
Да ѝ помогнеме на Моника Бојковска да оздрави
-
Арсовска: Нема да поминат заканите за тужба, да се одговори кога е осигуран објектот на Универзална сала
-
Албанец одбива да прими казна оти била напишана на македонски јазик
-
Османи: На затворена седница ќе презентирам информации за Бањска, а Владата ќе одлучи за натамошно учество во „Отворен Балкан“
-
Градоначалник на скопска општина доби кривична за прекршување на Законот за заштита на деца
-
Грејната сезона продолжува поради временските услови
-
Османи: За предметот „Пациент“ на СЈО немаше обвинение, мојот противкандидат нема идеи во оваа изборна кампања