Турција седум дена по ред бележи црни рекорди со коронавирусот
Бројот на починати во Турција се зголемува седми ден по ред, и покрај напорите на претседателот Реџеп Таип Ердоган и владата да го запрат вториот бран на Ковид-19, објави „Ројтерс“.
Турција очекува економијата да се подигне оваа недела по големиот пад на почетокот на годината, но тоа закрепнување, што е клучно за политичката поддршка на Ердоган, може да биде загрозено поради ширењето на коронавирусот.
Турците ги заострија мерките, вклучително и воведувањето полициски час за време на викендот, но досега тие не дадоа значителни резултати во запирањето на ширењето на болеста.
Во неделата починаа 185 лица, што е за 45% повеќе отколку во екот на првиот бран во април, а црните рекорди започнаа да се бележат на 23 ноември, кога починаа 153 лица, и оттогаш бројот на мртви расте секој ден.
Во претходните 24 часа беа евидентирани над 29.000 случаи, а во саботата беше соборен рекорд од 30.103 случаи, сепак, властите бројат само пациенти со симптоми, додека овој број не вклучува асимптоматски случаи.
Лекарите и опозициските политичари предложија уште посилни ограничувачки мерки, но владата сака да избегне заострување, бидејќи кафулињата, рестораните и хотелите веќе се сериозно погодени од мерките.
„Нашата здравствена единица е под голем товар. Секој од нас е одговорен, мора да се придржуваме кон мерките”, напиша турскиот министер за здравство Фахретин Коча на „Твитер“.
Ново на Сител
-
Царовска: Никаде не пишува дека македонската историја нема да се изучува
-
СП Ракомет: Победи на Аргентина и Полска
-
Почина легендарната спикерка Бранка Станковска на 90-годишна возраст
-
Маричиќ: Законот за попис е донесен – попис во април ќе има
-
Бројот на излекувани од Ковид-19 во светот надмина 70 милиони
-
Апасиев: По Уставот сум должен да не ги примам попишувачите дома во време на пандемија
-
Заев – Дуџак: ОН ја продолжуваат поддршката на нашата држава
-
Приведени криминалци барани со потерница, за затворска казна до 12 години