Балкан
11. November 2019 - 11:22

Турција почна да ги враќа припадниците на ИД во нивните матични земји

Турција почна да ги испорачува заробените припадници на Исламска држава во матичните земји, соопшти денеска телевизијата ТРТ Хабер, откако турското Министерство за внатрешни работи минатата недела предупреди дека државата тоа ќе го стори дури и во случај на заробениците да им е одземено државјанството.

Засега не е познaто колку џихадисти се опфатени од репатријацијата.

Турскиот претседател Реџеп Тајип Ердоган во петокот кажа дека во турските затвори се наоѓаат 1.201 заробеник од Исламска држава, како и дека Турција заробила уште 287 екстремисти во Сирија, пренесоа британските медиуми.