Македонија
14. December 2020 - 13:51

Тројца здравствени работници позитивни на коронавирус во Кавадарци

Нови тројца здравствени работници се позитивни на коронавирус во Кавадарци, за МИА потврди доктор Ристе Јовановски, специјалист епидемиолог при кавадаречкиот Центар за јавно здравје.

Починат е и еден росоманец позитивен на Ковид-19, на 83 годишна возраст.

Центарот за јавно здравје во Кавадарци регистрира нови 53 заболени во последните 24 часа. Од нив 33 се од Кавадарци, пет се од Росоман, 14 од Неготино и едно лице од Демир Капија. Сите се на возраст од 20 до 79 години. Се утврдуваат нивните контакти со цел да се изолираат.