Тројца тешко повредени во сообраќајка кај тетовско Слатино
Три лица, двајца малолетници од Слатино и возрасна жена од Нераште, се потешко повредени во сообраќајната несреќа што денеска околу 11 часот и 40 минути се случила на регионалниот пат Тетово-Јажинце пред влезот во Слатино, информираа од тетовската полиција. Во несреќата учествувале две патнички возила со тетовски регистерски таблички, „Голф“ што го управувал 16-годишник од Слатино и „Опел корса“ управуван од Ф.А.(36) од Нераште.
Во сударот телесни повреди здобиле возачот на „Голфот“ и неговиот 17-годишен сопатник и соселанец, како и сопатничката од „корсата“ Ф.А.( 71 ) од Нераште. Тројцата тешко повредени биле пренесени и задржани за лекување во тетовската клиничка болница.
Екипа на тетовската полиција извршила комплетен увид и се работи на утврдување на причините за несреќата, околностите и се друго поврзано со неа.
Ново на Сител
-
Мицкоски очекува ТВ дуел со Ковачевски
-
МТСП: Понеделник неработен за граѓаните од католичка вероисповед
-
Се уште нема трага од двегодишната Данка, потрагата продолжува
-
Индустриското производство во февруари зголемено за 0,3 отсто
-
ДЗС: Струјата во второто полугодие лани поскапела за 8,2 отсто
-
СДСМ: Нема ништо ново во понудата на ВМРО-ДПМНЕ
-
И Италија ќе го чува македонското небо
-
Објавен конкурсот за уписи во средно училиште