Тројца починати на инфективното одделение во болницата во Велес
На инфективното одделение во Општата болница во Велес денеска починаа тројца пациенти од Велес, маж и жена на возраст од 78 години, потврдени позитивни и уште еден маж на 71 година примен во тек на вчерашниот ден со многу мала сатурација и пневмонија типична за Ковид, кој не бил тестиран, информира портпаролот на болницата, Весна Неделковска Николова.
Бројот на починати во Велес и велешко од почетокот на пандемијата на Ковид-19 се зголеми на 47.
Од вкупно 88 хоспитализирани пациенти со Ковид на трите одделенија во велешката Општа болница, на инфективното има 59 пациенти, што се и најмногу хоспитализирани на ова одделение од почетокот на пандемијата.
Инфективното одделение со 59 пациенти е преполно, а капацитетот по вторпат е проширен. На почетокот имаше 35 кревети, потоа 54 кревети, а сега 59 кревети, колку што има и пациенти во оваа одделение. Целосно исполнето е и интерното одделение Б крак со 15 пациенти колку што има и кревети. На физикалното одделение со 25 кревети има 14 пациенти.
Инаку од 88 пациенти, 73 се потврдени позитивни, девет се сомнителни и шест со негативни контролни тестови, а 30 од пациентите се на кислородна поддршка.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација