Тенис
21. March 2021 - 11:33

Триумф на Зверев во Мексико

Александер Зверев стигна до трилер победа од 6:4/7:6(3) над Стефанос Циципас за да ја освои титулата од Мексиканскиот опен во Акапулко.
 
Иако до финалето, Зверев немаше загубено сет, започна лошо и Циципас поведе со 4:1, пред Германецот да се разбуди и да освои пет гема во низа за да го освои првиот сет. Во вториот сет беше уште потесно, со само два брејка во првите осум гема. Зверев направи брејк за 5:4 водство, но не успеа да го затвори мечот на свој сервис, пропуштајќи една меч-топка, пред да го добие тај-брејкот.
 
„Ова е турнир на кој навистина го сакав трофејот. Имам одлични односи со Мексико и овој турнир. Ја остварив мојата цел“, изјави Зверев, кој сега има 14 АТП титули и барем една титула во последните шест сезони.