Трибина „Жената-фактор за поголема безбедност во сообраќајот“
Републичкиот совет за безбедност на сообраќајот на патиштата и АМСМ денеска организираа сообраќајно - едукативна трибина, на тема „Жената-фактор за поголема безбедност во сообраќајот“ во чест на денот на жената, „8 Март“ на која учество земаа 150 жени возачи.
Целта на настанот, според РСБСП, е потврдување на улогата на жената, како активен учесник во сообраќајот, но и како фактор кој може да влијае врз воспитувањето на децата, а воедно и на подигање на целокупната сообраќајна култура.
- Жените, како учесници во сообраќајот, имаат важна улога во подигнување на нивото на сообраќајната култура, а со тоа се зголемува и нивната одговорност и влијание врз безбедноста на учесниците во сообраќајот. Освен како пешаци и велосипедисти, денес, сѐ поголем број жени, активно учествуваат во сообраќајот како возачи на моторни возила и како мотоциклисти, а некои од нив и како професионални возачи. Почитување на сообраќајните правила и прописи и одговорно учество во сообраќајот, се фактори кои значително ќе придонесат за подобрувње на севкупнта безбедност во сообраќајот на патиштата, посочуваат од РСБСП.
Ако пред дваесетина години жените претставувале само незначителен процент од возачите, денес таа бројка се доближува до 50 проценти. Кога се во прашање жените и нивните навики во сообраќајот, беше истакнато дека тие речиси никогаш не возат со брзина поголема од дозволената, не поминуваат на црвено и не возат под дејство на алкохол. Агресивното возење не им е својствено на жените, а покажуваат поголема склоност и кон почитувње на сообрќајните правила и прописи.
- Сообраќајното воспитание и едукацијата на децата, во голема мера е доверено на мајката т.е. жената. Од тој аспект, за безбедноста на сегашните и идни учесници во сообраќајот, жените–мајките имаат огромна и важна улога во едукативно превентивното дејствувње врз децата уште од нивната најрана возраст, и тоа најпрвин преку својот личен пример за однесувањето во сообраќајот, а потоа и како родители, воспитувачки и наставнички во градинките и училиштата, преку постојано развивање и надградба на сообраќајната култура и знаења на децата, истакнаа од АМСМ.
На крајот на настанот беа поделени скромни подароци на присутните припаднички на понежниот пол со кој им беше честитан празникот на жената, 8-ми март.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово