Трибина за руралниот туризам во рамки на Вевчанскиот карневал
Со трибина на тема „Перспективите на руралниот туризам во Република Македонија со осврт на општина Вевчани“ денеска во Вевчани почнуваат активностите во рамките на Вевчанскиот карневал 2017.
Предавач на трибината ќе биде проф. д-р Никола Панов, член на Академијата на убави уметности Вевчани.
На карневалската прогрма утре е промоцијата на романот „Пред шарени врати“ од Косте Шутиноски, а следниот ден ќе биде отворена изложба со слики од академскиот сликар Ниче Василев, по што вечерта почнува и музичкиот дел од програмата.
Вевчанскиот карневал „Василичари“ ќе биде отворен на 13 јануари напладне кога двете василичарски друштва Горна и Долна маала, заедно со сите маскирани ќе продефилираат низ улиците и ќе ги претстават маските, кои најчесто се инспирирани од актуелните случувања што ја одбележаа тековната година.
Традиционалното палење на маските ќе биде наредниот ден, со што завршуваат вевчанските василичарски денови.
Карневалот во Вевчани е една од најпознатите карневалски манифестации на Балканот, која со специфичните особини се одвојува од останатите во светот поради својата архаичност, традиционалност, таинственост и уникатните маски.
Ново на Сител
-
Санкционирани 179 возачи во Скопје
-
Затруен од наркотици пронајден во бессознание во двор во Кавадарци
-
Затруен од наркотици пронајден во бессознание во двор во Кавадарци
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола