Македонија
14. November 2017 - 9:14

Трибина за босанскиот јазик во Институтот „Крсте Мисирков“

Отворените денови на Институтот за македонски јазик „Крсте Мисирков“ кои почнаа вчера, денеска од 10 часот продолжуваат со трибина „Јазиците на Балканот: босански јазик - состојби и перспективи“.

Како што соопштија од Институтот, трибината е прва од тие што ќе ги организираат во иднина. Идејата е секоја година во рамки на отворените денови да се организира трибина за јазикот на некоја од етничките заедници кои се застапени во Уставот на Република Македонија. 

На трибината за босанскиот јазик ќе учествуваат осум професори од Институтот за јазици на Универзитетот во Сараево и директорот на таа научна установа, Ален Калајџија.

Во рамки на настанот ќе биде промовирана стихозбирката „Мостови пријатељства“ и ќе има програма за стручно усовршување на наставниците кои предаваат босански јазик. 

Трибината со воведни обраќања ќе ја отворат Елена Јованова-Грујовска, директор на Институтот за македонски јазик, и Милутин Станчиќ, директор на Управата за развој и унапредување на образованието на јзиците на етничките заедници на Република Македонија.