Трибина по повод 28 Април, Светски ден за безбедност и здравје при работа
Македонското здружение за заштита при работа со трибина ќе го одбележи 28 април, Светскиот ден за безбедност и здравје при работа.
Тема на овогодинешното одбележување на Светскиот ден за безбедност и здравје при работа е „Подобрување на безбедноста и здравјето на младите работници и крај на детскиот труд”.
Статистиката на Меѓународната организација на труд покажува дека 541 милиони млади работници (15-24 години) сочинуваат повеќе од 15 отсто од светската работна сила и има 40 отсто повисоки стапки на нефатални професионални повреди отколку кај возрасните работници постари од 25 години. Оттука, произлегува дека младите се ранлива група, која најмогу подлежи на повреди, заболувања и несреќи на работните места.
Многу фактори влијаат на ваквата состојба, а тие се: нивната психо-физичка развиеност, недоволната информираност, недостатокот од работно искуство, недоволната свест за опасностите поврзани со работата итн.
- Со цел потикнување на превентивна култура, од најрана возраст да се говори за безбедност и здравје при работа, за да создадеме безбедни и здрави генерации, Македонското здружение за заштита при работа организира тркалезна маса каде главен збор ќе имаат младите ученици од средни училишта, студентски организации, млади работници итн., наведуваат организаторите.
На настанот ќе биде претставен и Годишниот извештај за несреќи при работа во Македонија за 2017 година, кој здружението го изработува веќе десетта година по ред.
Ново на Сител
-
АПЕЛ ЗА ПОМОШ: Потребни се средства за лекување на Сашо Лазаровски
-
Не влеговме во УСС за да станеме политичари | Николовски и Ристоски од УСС | Sitel Podcast 026
-
Невреме во Словенија, снег во Хрватска, пад на температурите во БиХ
-
Невреме во Србија
-
МВР: Македонски државјанин транспортиран од Унгарија за навремена медицинска нега
-
Сотировски: Македонците се дискриминирани од Општина Тетово и Касами
-
Момче се обидело да силува 68-годишна жена во Македонска Каменица
-
Арсовска: Во оваа држава старите кабли се причина за сите пожари