Македонија
10. September 2019 - 23:14

Три часа трае средбата на Заев и Мицковски за законот за јавното обвинителство

Средбата на лидерите на СДСМ и ВМРО-ДПМНЕ Зоран Заев и Христијан Мицковски на која присуствуваат и работните групи за Законот за јавното обвинителство трае веќе три часа. Преговарачките тимови направија пауза по што продолжија со разговорите.
 
Во фокусот е Законот за јавното обвинителство со кој треба да се реши и идниот статус на Специјалното јавно обвинителство и судбината на предметите на СЈО.
 
Вечерашната средба следи откако преговарачките тимови од двете партии во изминатиот период не изнајдоа заеднички прифатливи решенија.