Трет ден масовни протести во Мјанмар, полицијата употреби водени топови
Десетици илјади демонстранти излегоа на улиците во Мјанмар, трет ден по ред поради соборувањето од власт на премиерката Аунг Сан Су Чи со воен удар пред една недела.
Полицијата ги растера учесниците на протестот со водени топови во главниот град Непјидо.
Илјадници луѓе се собраа во југоисточниот крајбрежен град Давеи, како и во северната провинција Качин. Меѓу демонстрантите има различни етнички групи, што покажува широко распространет отпор кон преземањето на власта од страна на војската.
Во најголемиот град Јангон будистичките свештеници се придружија на протестите на просветните работници и студентите.
Оние кои беа критички настроени кон лидерката Су Чи и односот на нејзината влада кон малцинствата, исто така протестираат против пучот. Повиците за протести и граѓанска непослушност во врска со превратот, кој наиде на меѓународна осуда, се сè погласни. Актуелните протести се најголеми од Револуцијата на шафранот предводена од будистите во 2007 година, кога власта беше принудена на демократски реформи.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација