Трамп: САД треба да се првата држава која своето знаме ќе го постави на Марс
Американскиот претседател Доналд Трамп синоќа во својот трет годишен говор до нацијата го повика Конгресот целосно да ја финансира американската вселенска програма „Артемида”, пренесоа светските агенции.
Трамп го повика Конгресот да ја финансира оваа програма за САД да станат првата земја во светот која ќе испрати жена астронаут на површината на Месечината и ќе го постави своето знаме на Марс.
САД можат да ги повлечат санкциите против Иран што е можно побрзо и на земјата да и помогнат да ја подобри својата економија, доколку Техеран одлучи да ги почитува условите, поставени претходно од Вашингтон.
-Иранскиот режим треба да се откаже од обидите за стекнување со нуклеарно оружје, да го запре теророт, смртта и уништувањето и да почне да работи во корист на својот народ, изјави Трамп во говорот во Конгресот.
Убиениот ирански генерал Касем Сулејмани повторно го нарече терорист.
-Сулејмани беше најбезмилосниот касап на иранскиот режим, чудовиште кое уби или рани илјадници американски војници во Ирак. Како водечки терорист во светот Сулејмани раководеше со активностите кои доведоа до смртта на безброј мажи, жени и деца, додаде американскиот лидер.
„Имаме јасна порака до терористите: Никогаш нема да избегате од американската правда. Ако напаѓате наши државјани ќе се збогувате со вашите животи“, рече Трамп.
Ново на Сител
-
За еден месец изгорени над 400 хектари шума во Националниот парк Шар Планина
-
Во март зголемени потрошувачките, станбените, автомобилските и кредитите на тековните сметки
-
Приведен 20-годишник кој бил баран со потерница поради бегство од Затворот Гевгелија
-
Боки 13 бара повторено судење за „Рекет“ - има докази со кои ќе покаже каде завршиле парите од чантата Луј Витон
-
Советот НАТО-Украина ќе одржи вонреден состанок за противвоздушната одбрана на Киев
-
Спречен нов атентат врз Зеленски, уапсен Полјак кој соработувал со Русите
-
Бојмацалиев: Една година ФРОНТЕКС - прв договор потпишан на македонски јазик со ЕУ
-
Избрани 12 поротници за судењето против Трамп