Трамп прогласи вонредна состојба за заштита на телекомуникациските мрежи
Американскиот претседател Доналд Трамп потпиша извршна наредба со која прогласува вонредна состојба за заштита на телекомуникациските мрежи на САД од странски закани.
Со указот им се забранува на американските компании да користат телекомуникациска опрема, произведена од компании кои можат да претставуваат опасност за безбедноста на земјата. Таа одлука се смета за дел од пошироките напори да се забрани пристапот на кинескиот технолошки гигант Хуавеи на американскиот пазар.
Прес-службата на Белата куќа истакна дека целта на указот е да ја заштити Америка од странски противници кои активно и се повеќе создаваат и користат ранливи места во информатичката и комуникациската инфраструктура за свој интерес.
Вашингтон смета дека телекомуникациската опрема на Хуавеи, третиот по големина производител на паметни телефони, може да биде искористена од Кина за шпионажа.
Ново на Сител
-
Турција од ЕУ бара зголемување на фондот за сириските бегалци
-
Кина го поздрави прелиминарниот трговски договор со САД
-
Вински фестивал се одржа во Кавадарци
-
Едукативна сесија за дијабетот и влијанието врз очите за тетовските пензионери
-
Вработените во Министерството за здравство се приклучија на еколошката акција
-
Се поголем број ученици во Словенија сакаат да го научат македонскиот јазик
-
ТЛЗП: Даниел Кајмакоски победник во полуфиналето - сите ги разнежни со емотивниот настап
-
Еколошка акција во општина Кисела Вода