Трaмп најави можност за излегување од СТО доколку биде избран за претседател на САД
Американскиот републикански кандидат за претседател Доналд Трамп во интервјуто емитувано вчера на Ен-Би-Си најави можно излегување на САД од Светската трговска организација (СТО), ако тој победи на претстојните претседателски избори.
- Ќе бараме нов договор или ќе излеземе од СТО. Досегашните трговски спогодби се катастрофални. Светската трговска организација е катастрофа, одговори Трамп на прашање на новинарот, кој пак, изразуваше сомнежи дека неговите предлозите за трговски преговори со Мексико нема да поминат во надлежните институции.
Милијардерот говореше и за една од неговите омилени теми - зголемување на вработеноста во САД. Посебно се задржа на фактот дека компаниите, чиешто седиште е во САД, а кои вработуваат луѓе во Мексико за да ги намалат своите трошоци ќе треба да плаќаат данок за продажба на нивните производи на американска територија.
- Ставката би можела да биде од типот „25 отсто, 30 отсто, 15 отсто". Не сум одлучил се уште. Можни се и варијации, во зависност од компанијата, додаде Трамп.
Тој повеќе пати ја осуди меѓународната трговија, којашто води до нелојална конкуренција во однос на некои држави, привлекувајќи ја недовербата кон трговските договори на ТТИП (Трансатлантско трговско и инвестициско партнерство) и организации како СТО.
- Ние не смееме и понатаму да дозволуваме Кина да ја тормози нашата земја, изјави Трамп пред неколку месеци.
Магнатот во бизнисот со недвижнини смета дека „Европа е изградена за да ги поттиснува САД во се што е поврзано со трговијата".
- Ја обожувам Европа. Просто велам дека причината, поради која тој континент се обединил е за да направи еден вид сојуз, кој ќе може да им конкурира на САД, смета Трамп.
Ново на Сител
-
Неделков: СОНК нема да дозволи исплата на плата спротивно на Колективниот договор за дејноста култура
-
Над 20 слаби земјотреси регистрирани во Турција
-
Герасимовски: Решен децениски проблем со безбедноста на сообраќајот на улицата ,,Наум Наумовски Борче"
-
Четврти ден штрајк на приватни специјализанти
-
Мицотакис: Да направиме сè што е во наши раце за смирување на кризата на Блискиот исток
-
Тухел за натпреварите со Реал: Баерн ќе игра против најголемиот клуб во светот
-
Соработувале со Русите и планирале да ја саботираат армијата, Германија уапси две лица
-
Приведени крадци во Битола