Трамп: Можен е голем конфликт со Северна Кореја, но сакам решение по дипломатски пат
Американскиот претседател Доналд Трамп изјави дека е можно да дојде до голем конфликт со Северна Кореја заради нејзините нуклеарни и ракетни програми, но кажа дека претпочитува спорот да се реши по дипломатски пат, пренесоа британските медиуми.
- Има можност на крајот и да влеземе во голем, голем конфликт со Северна Кореја. Целосен, рече Трамп во интервју за Ројтерс пред утрешниот 100-ти ден од почетокот на неговото претседателствување, пренесува БТА.
Тој, сепак, изјави дека сака мирна разрешница на кризата која малтретира неколку американски претседатели. Трамп и неговата Влада се залагаат за овој пристап, подготвувајќи нови различни економски санкции и, истовремено, не ја исклучуваат и воената варијанта.
- Многу би сакале работите да ги надминеме по дипломатски пат, но тоа е доста тешко, рече тој.
Според него, Северна Кореја е неговиот најголем глобален предизвик.
Трамп го пофали кинескиот претседател Кси Џинпинг за помошта на Пекинг во обидите за зауздување на Северна Кореја. Двајцата лидери овој месец имаа средба на Флорида.
- Верувам дека тој вложува сериозни напори. Со сигурност знам дека не сака да има тензии и смрт. Не сака да го гледа тоа. Тој е добар човек, рече Трамп.
Според него, кинескиот претседател „би сакал да може да направи нешто, но веројатно дека нема да може“.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка