Трамп критикуван затоа што не ги посети гробиштата на американските војници во Франција
Американскиот претседател Доналд Трамп е на удар на критики затоа што поради дожд ја откажа посетата на гробиштата на американските војници во Франција, кои загинале за време на Првата светска војна.
Поранешниот пишувач на говори на американскиот претседател Џорџ Буш помладиот, Дејвид Фрум на Твитер напиша дека е “неверојатно“ претседателот да отиде во Франција поради церемонија по повод крајот на Првата светска војна, а да не оддаде почит на Американците кои загинале во војната.
Американскиот претседател го критикуваа и некои британски функционери.
Николас Соумерс, член на британскиот Парламент и внук на Винстон Черчил, на социјалните мрежи објави дека Трамп ги „обесчестил“ американските војници со тоа што не ги посетил американските воени гробишта.
Белата куќа соопшти дека американската делегација заедно со претседателот Доналд Трамп не ги посетила гробиштата во Бело, 85 километри од Париз, поради „логистички тешкотии предизвикани од лошото време“.
Ново на Сител
-
ЈСП Скопје: Можни се технички проблеми при валидирање со телефон или апликацијата „Скопска“
-
Ангелов: Би работел за СДСМ но за плата од 5000 евра
-
МЗШВ: Лозарите добиваат гарантирана откупна цена на винското грозје
-
Македонија и 11 членки на НАТО ја зајакнуваат соработката за обука на воени пилоти
-
ССМ на 2 април на протест поради одлуката на Врховниот суд, ќе протестира и на 1 мај
-
Полицајци спроведуваат политичка кампања, училиште претворено во штаб на ДУИ
-
Приведено уште едно лице за убиството на докторот во Железара
-
Вработените во здравството најавуваат протест на 8 април