Свет
28. April 2020 - 8:43

Трамп: Кина можеше да го спречи ширењето на Ковид-19 во светот

Претседателот на САД, Доналд Трамп тврди дека Кина можела да го запре новиот коронавирус пред да се прошири во светот и откри дека американската администрација спроведува „сериозна истрага“ за тоа.

– Спроведуваме многу сериозна истрага. Не сме среќни со постапувањето на Кина, истакна Трамп на прес-конференција во Белата куќа.

Тој додаде дека вирусот можел да биде запрен на местото каде што настанал.

– Можеше брзо да биде запрен и не би се проширил низ целиот свет, наведе Трамп.