Трамп и Си разговараа за заканите од Северна Кореја
Претседателот на САД, Доналд Трамп и неговиот кинески колега Си Џинпинг разговараа за заканите што доаѓаат од Северна Кореја, соопшти Белата куќа.
- Двајцата лидери ја потврдија приврзаноста кон идејата за Корејски Полуостров без нуклеарно оружје. Трамп повтори дека е цврсто решен да се стреми кон по избалансирани трговски односи со трговските партнери на Америка, стои во соопштението.
Американските медиуми јавија дека, претседателот на САД се уште е незадоволен од неуспехот на Кина да ја запре Северна Кореја.
Исто така, Трамп оствари телефонски разговор и со јапонскиот премиер Шинѕо Абе, при што беше одлучено заедно со Јужна Кореја да биде зголемен притисокот врз севернокорејскиот режим.
Разговорот имаше за цел да ја потврди блиската соработка меѓу САД, Јапонија и Јужна Кореја пред средбата на Г-20, што ќе се одржи во Хамбург кон крајот на неделава.
Ново на Сител
-
Мицкоски ги повика Апасиев и Димитриевски на обединување
-
Парламентарни избори 2024
-
Претседателски избори 2024
-
МОН до основните училишта: Во саботите ќе се одработуваат неработните денови поради изборите
-
Оспорени 3.000 вработувања кои ги потпишал Бесими без врзан потпис, ДИК ќе одлучува дали ќе останат на работа
-
Компанијата „Еуромакс Ресоурсес“ со последно предупредување пред да ја тужи државата за рудникот „Иловица - Штука“
-
Скопје ја надмина бројката од 400 заразени со голема кашлица
-
Вработените во културните институции преку протести си ја бараат изработената плата и покачувањето кое им следува