Трамп: Граѓаните да ги следат предупредувањата на властите за Доријан
Американскиот претседател Доналд Трамп апелираше до сите граѓани кои можат да се најдат на ударот на ураганот Доријан да ги слушаат предупредувањата и можните наредби за евакуација што ќе им пристигнуваат од локалните власти.
Американските медиуми пренесуваат дека Трамп нагласил дека „јавната безбедност секогаш е на прво место“, како и дека тој и неговите соработници ги следат зачестените извештаи за „чудовишната бура“. Трамп предупреди дека ураганот бавно се приближува, но и дека е еден од досега најголемите регистрирани урагани.
Според очекувањата, како што предупреди американскиот претседател, ураганот ќе погоди поголем дел од источниот брег на САД, а некои делови, како што кажа, „ќе погоди ,многу, многу силно.“
Американскиот Центар за урагани денеска соопшти дека Доријан во својот центар достигнува брзина од „чудовишни“ 295 километри на час, со тенденција на засилување.
Ураганот полека му се доближува на брегот на САД и засега се наоѓа на околу 295 километри источно од Вест Палм Бич, во државата Флорида.
Ураганот веќе погоди еден дел од Бахамите, како еден од најсилните што ги погодил во поновата историја.
Ново на Сител
-
Во високообразовните установи работат 4 656 наставници и соработници
-
Светски ден на црниот дроб: Чувајте го, неговата улога е витална
-
Кривична пријава против двајца скопјани за кражба на сеф од маркет
-
Флекс Кредит доби награда за најдобрa ,,Employer branding – кампања за 2023 година’’
-
Флекс Кредит доби награда за најдобарa ,,Employer branding – кампања за 2023 година’’.
-
Г-7 одлучни да ја засилат ПВО на Украина
-
Стано: Косово мора да ја формира Заедницата на српски општини, во спротивно ќе има последици
-
Руси поставија светски рекорд со скок со падобран | ВИДЕО