Трамп: Атентатот во Париз ќе влијае врз претседателските избори во Франција
Американскиот претседател Доналд Трамп на својот налог на Твитер напиша дека вчерашниот атентат во Париз ќе изврши големо влијание врз претседателските избори во Франција, пренесе ТАСС.
„Уште еден терористички напад во Париз. Народот на Франција нема уште долго да го трпи ова. Тоа ќе изврши големо влијание врз претседателските избори!“, напиша Трамп.
Американскиот претседател не прецизира кој од кандидатите за претседател на Франција, според него, ќе ја зголеми својата поддршка по атентатот.
Синоќа напаѓач од автоматска пушка отвори оган врз полицајци на парискиот булевар „Шанз-Елизе“. Еден полицаец е убиен, а двајца други се ранети. Напаѓачот е застрелан во престрелката што следела.
Францускиот претседател Франсоа Оланд соопшти дека се истражува верзијата за терористички напад.
Во недела се одржува првиот круг од претседателските избори во земјата.
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари