Балкан
7. July 2016 - 10:48

Трагедија: Гром усмрти овчар и 13 овци на Шар планина

Од удар на гром синоќа на Шар планина погина еден овчар, соопшти косовската полиција, а пренесе РТК2.

Портпаролот на косовската полиција во Призрен, Хазир Бериша, изјави дека полицијата во овој град добила информација дека во средата во планината во околина на селото Куклибег, во општина Драгаш, од удар на гром погинал овчар.

Громот на лице место убил и 13 овци.

Бериша рече дека синоќа околу 21 часот братот на погинатиот ја информирал полицијата за несреќата.

Според портпаролот, по приемот на информацијата единици на полицијата и на итната медицинска  помош излегле на терен и го потврдиле случајот, а за настанот е информиран и државниот обвинител.