Традиционална манифестација „Охридска софра“ оваа сабота во Скребатно
Во рамки на активностите Секторот за туризам и локален економски развој при општина Охрид за промоција на алтернативниот туризам во охридскиот регион, в сабота во излетничкото место Скребатно ќе одржи манифестација „Охридска софра“.
Станува збор за манифестација што е своевидно продолжување на традициите врз кои се темели нашиот рурален развој, преку која се презентира креативноста на жителите, производителите на вкусното ѓомлезе, сирење и презентацијата на традиционалната храна.
Годинава во приготвување на специјалитетот „ѓомлезе“ ќе се натпреваруваат 12 мајстори, кои ќе ги употребат сите свои готвачки знаења и вештини за освојување на наградите, што се повеќе симболични и воглавно за престиж и докажување меѓу самите напреварувачи.
Официјалниот почеток на манифестацијата ќе биде во 9 часот, по што ќе следи дегустација, оценување и сумирање на резултатите. Некаде околу пладне ќе бидат прогласени победниците и ќе бидатдоделени наградите. За убавото расположение ќе се погрижи вокално инструменталниот состав „Низалка“.
За граѓаните кои сакаат да ја проследат Манифестацијата организиран е бесплатен превоз до Скребатно. Поаѓањето е во 9:45 часот пред „Охридска банка“ и во 10 часот пред Домот на културата во село Лескоец.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово