ТППЕ-Битола: Вчерашните пожари во Битола и Битолско преидзвикани со намера
Вчерашните пожари во неколку битолски села од кои најголемиот во потпелистерското село Ротино беа намерно предизвикани, изјави Костадин Поповски, командир на Територијалната против пожарна единица-ТППЕ-Битола.
– Вчера ни се случи нешто што во последните 15 години никогаш не ни се случило, за неколку часа да бидат пријавени и да се интервенира на осум пожари на различни локации. Пожарите беа со различен карактер и опфат бидејќи имавме шумски пожар, две опожарени куќи, пожар на отворена површина, намерно запалена депонија и најголемиот пожар беше во селото Ротино. ТППЕ-Битола беше вклучена со цел капацитет, добивме поддршка од ТППЕ-Ресен и локални претпријатија, а најактивно беше учеството на вработените од НУ Национален парк „Пелистер“. Дефинитивно ќе речам дека сите пожари се намерно запалени, изјави Поповски.
Тој повтори дека во овој момент во Битола и Битолско нема активен пожар, но превентивно заседаваше Општинскиот кризен штаб.
– Ова што се случува во последниов месец низ државата е катастрофално и толку пожари во кус период никогаш немало. Пожарникарите насекаде се ангажирани, се префрлаат од пожар на пожар и затоа препорачувам строги мерки, казни за сторителите и други мерки, бидејќи ако оваа пролет има вакви пожари, што ли ќе се случува во лето, нагласи Поповски.
Од секторот за односи со јавност на општина Битола информираа дека локалната самоуправа побарала од СВР-Битола да се преземат мерки за контрола на теренот и истражување на причините за предизвиканите пожари.
Ново на Сител
-
Им ветувале бесплатни водомери за да гласаат во нивно својство, пријавен случај на поткуп
-
До 13 часот во Прилеп гласале 31,41 отсто од граѓаните со право на глас
-
Излезноста до 13 часот е 26.35 отсто
-
Утре нова рунда од дијалогот Белград-Приштина
-
Во Крива Паланка излезноста на изборите до 11 часот е 24,5 отсто
-
Штипјанец и скопјанка ги фотографирале гласачките ливчиња
-
Во Велес до 11 часот излезноста на изборите е 16,34, во Чашка 15,27, во Градско 20,62 проценти
-
Ангеловски: Пронајдена испукана димна бомба на гласачко место во Скопје