Македонија
18. July 2019 - 14:09

Товарен воз предизвикал пожар близу пругата од Дуброво до Демир Капија

 Товарен воз денеска предизвикал пожар близу железничка пруга од Дуброво до Демир Капија, најверојатно поради искрење при движење, изјави за МИА Иле Илиев, командир на Територијалната противпожарна единица од Неготино.
Два часа шест пожарникари со две теренски противпожарни возила го гаснеле пожарот кој зафатил поголема површина, од селото Дуброво до пред Демир Капија. За среќа, нема поголеми штети. Изгорела само сува трева, ситна шума околу и неколку железнички прагови.
Поради високите температури Илиев апелираше да се внимава, со цел да не се предизвикуваат пожари.