Фудбал
18. August 2017 - 10:33

Торцида направи хаос на „Гудисон парк“

Натпреварот помеѓу Евертон и Хајдук во плејофот за Лига Европа неколку минути беше во прекин откако гостинските навивачи во 35. минута предизвикаа вистински хаос на трибината на која беа сместени.

Евертон во 30. минута го постигна водечкиот гол преку дефанзивецот Кин, а неколку минути подоцна навивачите на Хајдук започнаа да фрлаат со разни предмети на теренот, а потоа, како што јави Би-би-си, фрлале и со столчиња кон соседната трибина на која биле сместени домашните навивачи.

Обезбедувањето ги спречило сплитските навивачи да влезат на теренот, а главниот судија, Словакот Крузлијак, го прекинал мечот.

Натпреварот продолжи, а Евертон  победи со 2:0.