Томас Шиб: Наскоро ќе биде познат датумот за почеток на преговорите за членство со Северна Македонија
Германскиот амбасадор во Србија, Томас Шиб денеска изрази надеж дека наскоро ќе биде познат датумот на почеток на преговарачкиот процес за членство меѓу ЕУ и Северна Македонија.
– Заради интензивното усогласување, помеѓу останатато и во Германија, донесувањето одлука за датумот за почеток на преговорите е пролонгиран до октомври. Германија го поздравува големото државничко постигнување на Северна Македонија и Грција, кои по толку време успеаја да постигнат договор и да го решат прашањето за името на Северна Македонија и затоа се надеваме дека земјата многу брзо ќе ги започне преговорите, изјави Шиб.
Германскиот амбасадор, како што јави дописникот на МИА од Белград, изјави дека ставот на Берлин е дека приемот на нови членки и реформите во ЕУ се два одвоени процеси што треба да се одвиват паралелно.
– Внатрешните рефрми во ЕУ ќе се случуваат се додека таа постои, со цел таа да се подобри и да се адаптира на новите услови. Тое е постојан процес, кој не го спречува приемот на нови членки, под услов земјите кандидати да ги исполнат сите услови. Србија спроведува тешки реформи што ќе потраат, а ЕУ спроведува свои реформи и во еден момент Србија ќе и пристапи кон ЕУ. Тоа се процеси кои се одвиваат истовремено, а не еден по друг, истакна германскиот амбасадор.
Во врска со годишнината од масакрот во Сребреница, Шаб изјави дека ставот на Германија и на останатите членки на ЕУ е дека во Србреница во 1995 година е извршен геноцид, нагласувајќи дека очекува и Србија да заземе ист таков став.
Говорејќи за Косово, Шиб оцени дека косовските такси за увозот на српски производи се главна пречка за продолжување на дијалогот меѓу Белград и Приштина и дека незнае кога преговорите ќе можат да продолжат.
Како една од најважните теми во процесот на пристапување на Белград во ЕУ, германскиот амбасадор го посочи прашањето за слободата на медиумите во Србија
Ново на Сител
-
Тројца приведени за убиството на матичниот доктор кај поликлиниката Железара – мотивот се уште непознат
-
Трет ден потрага по Данка, родителите повторно во станица
-
Предизборно финале – партиите ги финализираат листите
-
Стариот парламент ќе инаугурира нов шеф на државата - конститутивна седница за новите пратеници на 28 мај
-
ОЛАФ бара од Македонија да врати 2,2 милиони евра - злоупотребени пари од Еразмус плус
-
ССМ најавува серија протести, работниците излегуваат на улица
-
Штипските пензионери повторно на протест
-
Глобалниот минимален данок од 15% - закана за 50-тина компании кои работат во зоните кај нас