Тинејџер од Индија за малку ќе бил жив закопан

Кумар Маревад (17) од Индија заврши во болница на респираторни апарати, по каснување од куче скитник, по што се здоби со тешка инфекција.

Состојбата постојано му се влошувала, па лекарите го исклучиле од апаратите и им ја соопштиле тажната вест на членовите на семејството.

- Докторите ни кажаа дека не може да преживее ако не е на апарати, па почнавме да го подготвуваме погребот, изјави еден од роднинте на Кумар за „Тајмс оф Индиа“.

Тие го однеле телото кон гробиштата, но тинејџерот одеднаш почнал да се движи и ги отворил очите. Бргу го вратиле во болница и одново го приклучиле на апарати. Неговата здравствена состојба е се уште критична.

Лекарите сметаат дека тој претходно изгледал мртов поради седативите, кои го парализирале неговото тело.