Тилерсон: Северна Кореја да не упатува закани

Американскиот државен секретар Рекс Тилерсон изјави денеска дека мора трајно да се прекине однесувањето на Северна Кореја, пред Вашингтон и Пјонгјанг да разговараат.

- Освен тоа, немаме предуслови за преговорите, ниту пак ќе прифатиме какви било услови, посочи Тилерсон. 

Истовремено, тој побара од Русија и Кина да го зголемат притисокот врз Северна Кореја, со цел да ја почитува резолуцијата на ОН.