Тилерсон: САД не бараат промена на режимот во Северна Кореја
Американскиот државен секретар Рекс Тилерсон изјави дека Владата на САД не бараат промена на режимот во Северна Кореја.
- Ние не сме непријатели, истакна Тилерсон, додавајќи дека Вашингтон сака и дијалог во некои области.
Изјавата на државниот секретар доаѓа во време на зголемени тензии околу севернокорејската ракетна програма, како и по изјавата на републиканскиот сенатор Линдзи Греам дека претседателот на САД, Доналд Трамп ги испитува можностите и за војна со Северна Кореја, како една од опциите.
Официјален Пјонгјанг соопшти дека последната ракетна проба покажала дека севернокорејската армија може со интерконтинентална балистичка ракета да го погоди западниот брег на САД, па дури и подалеку од него.
Тилерсон, сепак, уверува дека САД не претставуваат никаква закана за Северна Кореја и ја префрла вината за сегашната криза врз Пјонгјанг.
- Токму вие ни покажувате дека сте сериозна закана за нас (Американците), па затоа мораме да одговориме, посочи државниот секретар Тилерсон.
Изминатите денови претседателот Трамп повеќепати ја критикуваше Кина затоа што не прави ништо за да се прекине со ракатните проби.
Кина и Северна Кореја имаат копнена граница, а Кинезите се главниот севернокорејски економски партнер и со режимот во Пјонгјанг од подамна имаат блиски врски.
Официјален Пекинг се оглушува на ваквите критики од Вашингтон, инсистирајќи дека проблемите околу најновата криза треба да ги разрешат меѓусебе САД и Северна Кореја.
Изјавата на Рекс Тилерсон се толкува како можност за ублажување на критичната реторика кон Кина, зашто ја префрла вината за кризата врз Северна Кореја.
Ново на Сител
-
Претседателски избори 2024: Утре први гласаат членовите на ИО кои ќе ги спроведат изборите во дијаспората
-
Нови 46 случаи на голема кашлица од 12 до 18 април, хоспитализирани девет лица
-
ЕУ повикува сите актери на Блискиот Исток да работат на деескалација на тензиите
-
Во високообразовните установи работат 4 656 наставници и соработници
-
Светски ден на црниот дроб: Чувајте го, неговата улога е витална
-
Кривична пријава против двајца скопјани за кражба на сеф од маркет
-
Флекс Кредит доби награда за најдобрa ,,Employer branding – кампања за 2023 година’’
-
Флекс Кредит доби награда за најдобарa ,,Employer branding – кампања за 2023 година’’.