Свет
4. October 2017 - 22:01

Тилерсон негира дека го нарекол Трамп „дебил“

Државниот секретар на САД Рекс Тилерсон, наведе дека тврдењата на „Ен-Би-Си Њуз“ дека го нарекол американскиот претседател Доналд Трамоп „дебил“ се „целосна бесмислица“. 

Откако претходно денеска, „Ен-Би-Си Њуз“ јави дека Тилерсон е „на чекор да поднесе оставка“, тој ги негираше тврдењата, нагласувајќи дека никогаш не размислувал за тоа. 

„Ен-Би-Си Њуз“ јави дека на средба на Советот за национална безбедност на САД со членовите на кабинетот на американскиот претседател Доналд Трамп, одржана во Пентагон на 20 јули, Тилерсон го нарекол Трамп „дебил“.  

По бурната средба, потпретседателот на САД, Мајк Пенс разговарал со Тилерсон и го замолил да се однесува со поголема почит кон претседателот. Исто така, според „Ен-Би-Си Њуз“, Пенс го убедил Тилерсон да не поднесува оставка.