Тетовската касарна го одбележа Денот на Армијата
Во пресрет на 18-ти Август Денот на Армијата на Република Северна Македонија во касарната „Народен херој Кузман Јосифоски – Питу“ во Тетово денеска беше одржана воена свеченост на единиците од овој гарнизон.
По повод празникот, 21 припадник на Армијата од гарнизонот Тетово добија унапредување, пофалница или награда. По завршување на официјалниот дел беше реализиран технико-тактички збор на вооружувањето и воената опрема со кои располага единицата.
– Нашиот баталјон и единици од гарнизонот во Тетово имаат активно учество во голем број вежби и операции за поддршка на меѓународниот мир во кои учествува АРМ. Со тоа докажавме дека сме подготвени да бидеме еден до друг со нашите партнери од НАТО, а извесен факт за тоа е дека нашата Армија ги спроведува завршните процедури за полноправно членство во Алијансата. И нашиот 3 механизиран пешадиски баталјон во овие години беше во континуиран процес на трансформација и со голем успех ги исполнуваше своите функционални задачи. Анагажирани бевме во мигрантската криза, како и предизвиците на природните непогоди. Тоа е доказ дека Армијата секогаш е и ќе биде отворена спрема општеството и дека соработуваме со цивилните структури, истакна во пригодниот говор командантот на касарната, потполковник Изаир Ејупи.
Во рамки на одбележувањето на 18-ти Август имаше постројување на припадниците на единиците од гарнизон Тетово, интонирање на државната химна и химната на Армијата, како и оддавање на почит на загинатите борци од НОБ и загинатите и починатите припадници на Армијата.
На 18 август во 1943-та година на падините на Славеј Планина бил формиран баталјонот Мирче Ацев , како прва регулирана воена единица на Народноослободителната војска на Македонија. Тој датум е определен како ден на Армијата, а годинава се одбележуваат 27 години од формирањето на АРМ во 1992 година.
Ново на Сител
-
Русија повторно побара седница на Советот за безбедност на ОН за бомбардирањето на НАТО на Југославија
-
Образовните асистенти од Град Скопје бараат да им се исплати задоцнетата плата
-
При судар на два автомобили во Скопје, прегазена и малолетничка
-
Мицкоски за партиите кои ја напуштаат власта: Имаме принципиелен договор за настап на парламентарните избори
-
Тинекс ја отвори втората SPOT продавница, или како што тие ја нарекуваат, „продавница на место“
-
Протест на лекарите специјализанти, во тек состанок со претставници на Министерството за здравство
-
Кражбата во средното училиште во Охрид ја извршила ученичка
-
СДСМ: Бесплатен топол оброк за учениците