Тешко повреден пешак во Скопје
Пешак се здобил со тешки телесни повреди во една од вкупно осум сообраќајни незгоди што се случиле во текот на вчерашниот ден на подрачјето на СВР Скопје. Во четири незгоди со полесни телесни повреди се здобиле шест лица, а во три е причинета материјална штета.
Полицијата вчера презела казнени мерки поради поголем број прекршоци. Седум возачи се движеле со брзина поголема од дозволената, шест поминале на црвено светло на семафор, а 15 возачи го управувале возилото без возачка дозвола, односно нерегистрирано. Санкционирани се пет пешаци кои поминале вон обележан пешачки премин, односно поминале на црвено светло на семафор. Затекнати се 34 непрописно паркирани возила.
Со помош на специјалното возило „пајак“, отстранети биле 42 возила.
Одделението за превенција денеска ќе одржи посебна воспитна мерка – сообраќајна поука, на која ќе присуствуваат граѓани учесници во сообраќајот кои сториле прекршоци по разни основи во својство на возач на велосипед со мотор, мопед и мотоцикл.
Во рамки на сообраќајно-воспитната акција „Да ги заштитиме децата во сообраќајот“, Одделението за превенција ќе реализира едукативни работилници со ученици од четврто одделение во ООУ „Рајко Жинзифов“ во општина Кисела вода. гв/лв/09:11
Ново на Сител
-
Излезноста до 9 часот изнесува 3,85 отсто
-
Медиуми: УЕФА ќе дозволи 26 фудбалери на ЕУРО2024
-
Тајланд сака да биде домаќин на трка во Формула 1
-
Маж во САД ги убил сопругата и трите деца по што се самоубил
-
Наставниците во Тенеси ќе можат да носат пиштоли на училиште
-
Може да гласаат и граѓаните со истечени лични документи од 24 јули 2023 година
-
Упатство за гласање на претседателските избори
-
Отворени избирачките места, право на глас имаат 1.814.317 граѓани