Македонија
19. December 2019 - 11:33

Тешко повреден градежен работник во Прилеп

Градежен работник бил донесен во прилепската болница со тешки повреди.

Вчера попладне во 14 часот и 40 минути во Полициска станица Прилеп било пријавено дека во Општата болница Прилеп бил донесен С.С.(50) од Прилеп, кој се здобил со тешки телесни повреди при изведување на градежни работи во куќа на улица „Пчиња“ во Прилеп.

За настанот е известен јавен обвинител, а увид на местото на настанот извршила екипа од Полициска станица Прилеп.