Тешка сообраќајка во Тетово - повредени шест лица
– Шест повредени лица и материјална штета од околу 200 илјади денари се последиците од сообраќајната несреќа во која учествувале четири возила што се случила синоќа околу 23 часот и 20 минути на улицата „Илинденска“ во Тетово, информираа од СВР Тетово.
Според полициските податоци, две од возилата биле во движење, а две биле паркирани. Се судриле „Мерцедес“ со скопски регистерски таблици што без возачка дозвола го управувал Х.С.(24) од Мала Речица и „Пасат“ со гостиварски таблици управуван од Н.С.(35) од Гостивар, а потоа биле оштетени и две паркирани возила со тетовски таблици „Ландровер“ и „Рено твинго“.
Во несреќата, возачот на „Пасатот“ Х.С. и еден сопатник од истото возило, како и возачот на „Мерцедесот“ Н.С. и тројца негови сопатници задобиле телесни повреди и со медицинско и други возила биле пренесени во тетовската клиничка болница за укажување лекарска помош.
Полицијата извршила комплетен увид и работи на утврдување на причината за несреќата во која вкупната материјална штета првично се проценува на 200 илјади денари.а
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка