Свет
30. April 2019 - 18:04

Теплиц: Можни се нови терористички напади на Шри Ланка

 Амбасадорката на САД на Шри Ланка, Алајна Теплиц изјави дека Вашингтон верува оти е можно членовите на екстремистичката група осомничени за нападите на Шри Ланка на католички Велигден се во бегство и оти планираат нови напади.

– Веруваме дека заканата од терористите и понатаму постои и оти е можно да има и такви кои планираат напади. Можно е да се во бегство активни членови на групата, која ги изврши терористички напади на Велигден, посочи Теплиц.

Таа додаде дека „САД имаат причина да веруваат дека групата не е во целост неактивна и оти активно планира напади“.

Во нападите врз цркви и хотели на 21 април на Шри Ланка загинаа над 300 луѓе. Одговорност за нападите презеде Исламска држава, а Владата на Шри Ланка прогласи вонредна состојба и по нападите приведе над 150 осомничени.