Македонија
5. February 2018 - 14:47

Тепачка во угостителски објект во Тетово, приведени четири лица

Повеќе лица вчера ноќта се степале во угостителски објект во Тетово при што се искршени стаклата на објектот. За случајот во полиција се приведени четири лица.

Министерството за внатрешни работи соопшти дека вчера околу 01,00 часот било пријавено дека има нарушување на јавниот ред и мир со тепачка помеѓу повеќе лица во угостителски објект на ул. „133“ во Тетово. Полициски службеници излегле на местото на настанот и го затекнале М.Ѓ. (22) од Тетово како со метален предмет ги кршел стаклата на објектот. На местото бил затекнат и Ф.Д. (20), кој се обидел да побегне, но не успеал.

Двајцата биле приведени во полициска станица. Поради постоење сомнение за инволвираност во нарушувањето, биле приведени и задржани и Е.З.(33) од Тетово и А.Р. (32) од Охрид