Тепачка во турскиот парламент по усвојување измени на изборникот закон
Тепачка во турскиот парламент се случи денеска меѓу пратеници од власта и опозицијата, веднаш по изгласувањето на измените во Изборниот закон, за кои опозиционерите тврдат дека ќе доведат до изборни измами.
По усвојувањето на измените во Изборниот закон, почна расправија меѓу националистичките пратеници и опозицијата. Неколкумина пратеници се степаа, јавуваат турски медиуми.
Инаку, турскиот парламент ги усвои измените на Изборниот закон, поддржувајќи ги предлозите, за кои опозицијата тврди дека може да отворат пат за изборни измами и да се загрози регуларноста на изборите, што треба да се одржат идната година.
Со измените е овозможено Високата изборна комисија да спојува избирачки окрузи и да префрла избирачки кутии во други окрузи. Ливчињата на кои нема печат од Изборната комисија и понатаму ќе бидат важечки.
Припадници на силите за безбедност ќе може да влезат на избирачко место по повик на избирач. Опозицијата смета дека тие мерки ќе значат помала транспарентност при пребројување гласови и ќе и се овозможи на Владата префрлување на избирачки кутии од опозициски упоришта.
Претседателските и парламентарните избори ќе се одржат идната година.
Ново на Сител
-
Демири: Приватните специјализанти по изборите ќе добијат поголем надомест
-
Лекари од Токсикологија на прес-конференција алармираат за хаос на Клиниката
-
Во Струмица оштетен билборд на претседателскиот кандидат Бујар Османи
-
Бојмацалиев: Пронајден e сторителот што ја оби пратеничката канцеларија на Лефков
-
Лефков од ВМРО-ДПМНЕ објави дека е разбиена неговата пратеничка канцеларија во Кочани
-
Утре влажен бран со силен ветер и врнежи над 20 литри на метар квадратен
-
Штрајкот на приватните специјализанти времено ставен во мирување
-
Меѓународна полициска акција во БиХ