Македонија
5. August 2016 - 16:58

Тепачка во штипскиот затвор

Во КПУ Затвор - Штип вчера, по претходна расправија, неколку осуденици се степале при што еден завршил во Клиничката болница со скрешница на носот.

Како што соопшти полицијата, случајот го пријавил командир на смена, според кој физички бил нападнат затвореникот С.М. од Скопје.

Полициски службеници излегле на местото на настанот и констатирале дека  по претходна  расправија меѓу С.М. и Б.И. од Кочани, С.М. физички го нападнал Б.И. Тој им се пожалил  на  Т.П. од Свети  Николе и на С.Г. од Скопје, двајцата исто така затвореници во штипскиот затвор, по што тие го нападнале С.М.,  удирајќи го со тупаници  и клоци во пределот на главата и телото. Му нанеле видливи повреди, контузија на нос и носна коска. С.М. бил пренесен во Клиничка болница - Штип заради санирање на повредите.

Извршен бил увид на местото на настанот. Се преземаат мерки за целосно расчистување на случајот.