Македонија
11. October 2021 - 13:46

Температурата во среда ќе падне на 2 степени, во четврток снег на планините

Денес и понатаму ќе има врнежи од дожд, кои околу пладне поинтензивни ќе бидат на запад, а во вечерните часови ќе се интензивираат на исток (локално ќе наврнат над 20 л/м2 дожд за 24 часа). Во јужните делови, каде се очекуваат и сончеви периоди, ќе има услови за нестабилност со пороен дожд и грмежи.

Пообилни врнежи од дожд повторно ќе има во четврток, кога поради заладување, на планините на северозапад ќе врне снег.

Прогноза за 13.10.2021
Минимална температура: 2°C до 9°C
Максимална температура: 11°C до 17°C
Претпладне променливо облачно со сончеви периоди. Попладне облачно, во западните и јужните делови со локални врнежи од дожд. Во текот на ноќта врнежите ќе се прошират насекаде. Ќе дува слаб до умерен ветер од северен правец.

Прогноза за 14.10.2021
Минимална температура: 4°C до 10°C
Максимална температура: 6°C до 12°C
Облачно и студено со врнежи од дожд, кои на места ќе бидат пообилни. На планините на северозапад ќе врне снег. Ќе дува умерен, а вдолж Повардарието засилен ветер од северен правец.