Балкан
20. August 2015 - 11:41

Телохранителот на Зоран Ѓинѓиќ е заробен од џихадистите - Живее во неподносливи услови

Поранешниот телохранител на убиениот премиер на Србија Зоран Ѓинѓиќ, Срѓан Бабиќ веќе пет месеци е заробен во Либија од страна на џихадистите, пренесува српски Телеграф.

Иако за Срѓан не е побаран никаков откоп, ниту пат е обвинет за кривично дело, исламистите сеуште го држат во заробеништво.

Телохранителот на поранешниот премиер е заробен поради „негова безбедност“, а од тогаш поминаа пет месеци, па дури пред два дена му бил овозможен контакт со семејството.

„Тој е во тешка состојба. Кажа дека ослабел 20 килограми и 5 месеци не видел сонце. Го држат во соба без светло и воздух. Прво ме праша зошто е затворн. Не знамев што да му кажам бидејќи немам информации“, кажува неговата сопруга Весна, која за помош се обратила до премиерот на Србија Вучиќ, пренесува српски Телеграф.

Инаку Срѓан работел во Либија како тим лидер во француската компанија „АСП“.