Балкан
21. October 2017 - 11:38

Телефонски разговор меѓу Путин и Ердоган

Претседателите на Русија и Турција Владимир Путин и Реџеп Таип Ердоган дадоа позитивна оценка за соработката во рамките на Астанскиот процес за решавање на сирискиот конфликт.

Прес службата на Кремљ соопшти дека двајцата претседатели телефонски разговарале при што размениле мислења за соработката во создавањето зони за деескалација во Сирија. Тие разговарале и за перспективите за седма средба во казахстанскиот главен град Астана на крајот на октомври, како и за координација на напорите за решавање на конфликтот во Сирија.

Путин и Ердоган изразиле задоволство од развојот на турско-руската соработка во разни области, вклучително и во трговско-економската сфера.